ഓണത്തിന് കേരളത്തിലേക്ക് നൂറ് ട്രെയിനുകള് അധികമായി സര്വീസ് നടത്തുമെന്ന പ്രഖ്യാപനവുമായി റെയില്വേ മന്ത്രി അശ്വിനി വൈഷ്ണവ്. ബെംഗളൂരു, ചെന്നൈ, ഹൈദരാബാദ് തുടങ്ങിയ നഗരങ്ങളില് നിന്നും കേരളത്തിലേക്ക് സ്പെഷ്യല് സര്വീസുകളുണ്ടായേക്കും. ഇത് സംബന്ധിച്ച അറിയിപ്പ് വൈകാതെ പ്രതീക്ഷിക്കാം. ഓണക്കാലത്തെ തിരക്ക് പരിഗണിച്ചാണ് കൂടുതല് സര്വീസ്. പ്രത്യേക ട്രെയിനുകളുടെ സര്വീസ് സമയക്രമം, റൂട്ടുകള്, സ്റ്റോപ്പുകള് എന്നിവയുടെ വിശദാംശങ്ങള് ഉടന് പ്രഖ്യാപിക്കുമെന്ന് മന്ത്രി പറഞ്ഞു.
ഓണക്കാലത്ത് നാട്ടിലേക്ക് വരുന്ന മലയാളികള്ക്ക് ഏറെ ആശ്വാസമാകും സ്പെഷല് ട്രെയിനുകളുടെ പ്രഖ്യാപനം. ഓണത്തിന് സ്പെഷ്യല് ട്രെയിനുകള് അനുവദിക്കണമെന്ന്കേരളത്തിലെ നേതാക്കള് ആവശ്യപ്പെട്ടിട്ടുണ്ടെന്നും അതനുസരിച്ചാണ് സര്വീസുകള് പ്രഖ്യാപിക്കുന്നതെന്നും റെയില്വേ മന്ത്രി പറഞ്ഞു.കുടുംബത്തോടൊപ്പം ഓണം ആഘോഷിക്കാന് നാടുകളിലേക്ക് പോകുന്ന മലയാളികള്ക്ക് യാത്രാ സൗകര്യമൊരുക്കുന്നതിനായി നൂറിലധികം പ്രത്യേക ട്രെയിന് സര്വീസുകള് പ്രഖ്യാപിക്കുമെന്ന് സതേണ് റെയില്വേയും ഔദ്യോഗികമായി പ്രഖ്യാപിച്ചു.
മുന് വര്ഷങ്ങളിലും ഓണത്തിന് കേരളത്തിലേക്ക് സ്പെഷ്യല് ട്രെയിനുകള് അനുവദിക്കാറുണ്ടായിരുന്നു. എന്നാല് വളരെ വൈകി ട്രെയിന് പ്രഖ്യാപിക്കുന്നത് യാത്രക്കാരെ വലയ്ക്കാറുണ്ടായിരുന്നു. ഇത്തവണ ഇതിന് പരിഹാരമുണ്ടാകുമെന്നാണ് പ്രതീക്ഷിക്കുന്നത്.
