ഓൺലൈൻ ഷോപ്പിംഗ് രംഗം ഇന്ന് വളരെ സജീവമാണ്. എന്നാൽ ഇതിനൊപ്പം തന്നെ ഉപയോക്താക്കൾക്ക് വലിയ വെല്ലുവിളിയുയർത്തി വ്യാജ വെബ്സൈറ്റുകളും വർദ്ധിച്ചുവരുന്നുണ്ട്. ഉപയോക്താക്കളെ ആകർഷകമായ ഓഫറുകളിലൂടെ വ്യാജ വെബ്സൈറ്റുകളിൽ എത്തിച്ച്, അവരുടെ വ്യക്തിഗത വിവരങ്ങളും ബാങ്കിംഗ് വിവരങ്ങളും ചോർത്തി വലിയ സാമ്പത്തിക തട്ടിപ്പുകളാണ് സൈബർ കുറ്റവാളികൾ നടത്തുന്നത്.
ഇത്തരം വ്യാജ വെബ്സൈറ്റുകളെ തിരിച്ചറിയാനും സുരക്ഷിതമായിരിക്കാനും താഴെ പറയുന്ന കാര്യങ്ങൾ ശ്രദ്ധിക്കുക:
1. യു.ആർ.എൽ (URL) ശ്രദ്ധാപൂർവ്വം പരിശോധിക്കുക
-
വെബ്സൈറ്റിന്റെ വിലാസം (URL) എപ്പോഴും കൃത്യമായി പരിശോധിക്കുക. സുരക്ഷിതമായ വെബ്സൈറ്റുകൾ സാധാരണയായി
https://എന്നതിലായിരിക്കും ആരംഭിക്കുന്നത് (ഇതിലെ ‘s’ എന്നത് സെക്യൂരിറ്റിയെ സൂചിപ്പിക്കുന്നു). -
വെബ്സൈറ്റിന്റെ പേരിൽ അക്ഷരത്തെറ്റുകൾ ഉണ്ടോ എന്ന് നോക്കുക. പ്രമുഖ ബ്രാൻഡുകളുടെ പേരിനോട് സാമ്യമുള്ളതും എന്നാൽ ചെറിയ അക്ഷരവ്യത്യാസമുള്ളതുമായ വ്യാജ വിലാസങ്ങൾ (ഉദാഹരണത്തിന്: amazon-ന് പകരം amaz0n) ഉപയോഗിച്ചാണ് തട്ടിപ്പുകാർ ആളുകളെ കബളിപ്പിക്കുന്നത്.
2. പാഡ്ലോക്ക് ചിഹ്നം (Padlock Icon) നോക്കുക
-
വെബ് ബ്രൗസറിന്റെ അഡ്രസ് ബാറിൽ വെബ്സൈറ്റ് വിലാസത്തിന് തൊട്ടുമുകളിലായി ഒരു പൂട്ടിയ നിലയിലുള്ള ലോക്കിന്റെ ചിഹ്നം (Padlock) ഉണ്ടോ എന്ന് ഉറപ്പുവരുത്തുക. ഇത് ആ വെബ്സൈറ്റ് സുരക്ഷിതമാണെന്നതിന്റെ തെളിവാണ്.
3. അമിത പരസ്യങ്ങളും പോപ്പ്-അപ്പുകളും
-
പേജിൽ കയറുമ്പോൾ തന്നെ ആവർത്തിച്ച് വരുന്ന പോപ്പ്-അപ്പ് പരസ്യങ്ങൾ, അമിതമായി ക്ലിക്ക് ചെയ്യാൻ നിർബന്ധിക്കുന്ന ലിങ്കുകൾ എന്നിവ ഉണ്ടെങ്കിൽ ജാഗ്രത പാലിക്കുക. ഇത് വ്യാജ വെബ്സൈറ്റുകളുടെ പ്രധാന ലക്ഷണമാണ്.
4. ‘Contact Us’, ‘About Us’ പേജുകൾ പരിശോധിക്കുക
-
വിശ്വസനീയമായ സൈറ്റുകളിൽ കൃത്യമായ വിലാസവും ഫോൺ നമ്പറും ഇമെയിൽ ഐഡിയും നൽകിയിട്ടുണ്ടാകും.
-
വെബ്സൈറ്റിലെ ‘Contact Us’ (ഞങ്ങളെ ബന്ധപ്പെടുക), ‘About Us’ (ഞങ്ങളെക്കുറിച്ച്) എന്നീ പേജുകൾ പരിശോധിച്ച് നൽകിയിരിക്കുന്ന വിവരങ്ങൾ വ്യാജമല്ലെന്ന് ഉറപ്പാക്കുക. എന്തെങ്കിലും പൊരുത്തക്കേടുകൾ തോന്നിയാൽ ആ സൈറ്റിൽ നിന്നും ഉടൻ പിന്മാറുക.
5. അവിശ്വസനീയമായ ഓഫറുകൾ
-
വിപണി വിലയേക്കാൾ പകുതിയിലധികം വിലക്കുറവിൽ ബ്രാൻഡഡ് സാധനങ്ങൾ നൽകുക, തികച്ചും സൗജന്യമായ സമ്മാനങ്ങൾ വാഗ്ദാനം ചെയ്യുക, ഒറ്റ ക്ലിക്കിൽ സർക്കാർ ജോലികൾ വാഗ്ദാനം ചെയ്യുക തുടങ്ങിയ ആകർഷകമായ പരസ്യങ്ങൾ പലപ്പോഴും കെണികളായിരിക്കാം.
ഏറ്റവും പ്രധാനപ്പെട്ട മുൻകരുതൽ: വെബ്സൈറ്റ് പൂർണ്ണമായും വിശ്വസനീയമാണെന്ന് ഉറപ്പുവരുത്തിയതിന് ശേഷം മാത്രം നിങ്ങളുടെ ബാങ്ക് വിവരങ്ങൾ, ഒ.ടി.പി (OTP), കാർഡ് നമ്പറുകൾ അല്ലെങ്കിൽ പാസ്വേഡുകൾ എന്നിവ നൽകുക. സംശയം തോന്നുന്ന നിമിഷം തന്നെ അത്തരം വെബ്സൈറ്റുകളിൽ നിന്നും പുറത്തുകടക്കുക.
