ഥാർ സ്വപ്നം കാണുന്നവർക്ക് വീണ്ടും തിരിച്ചടി; എല്ലാ മോഡലുകൾക്കും വില വർദ്ധിപ്പിച്ച് മഹീന്ദ്ര

മഹീന്ദ്രയുടെ ജനപ്രിയ ഓഫ്-റോഡ് എസ്‌യുവിയായ ‘ഥാർ’ (Mahindra Thar) സ്വന്തമാക്കാൻ കാത്തിരിക്കുന്നവർക്ക് വീണ്ടും തിരിച്ചടി. ജൂലൈ 10 മുതൽ പ്രാബല്യത്തിൽ വരുംവിധം ഥാറിന്റെ എല്ലാ വകഭേദങ്ങളുടെയും വില കമ്പനി വർധിപ്പിച്ചു. പുതിയ പരിഷ്‌കരണപ്രകാരം ഓരോ മോഡലിനും 27,000 രൂപ മുതൽ 37,000 രൂപ വരെയാണ് അധികമായി നൽകേണ്ടി വരിക.

ഈ വർഷം മാത്രം (2026) ഇത് മൂന്നാം തവണയാണ് മഹീന്ദ്ര ഥാറിന് വില കൂട്ടുന്നത്. ജനുവരിയിലും ഏപ്രിലിലും വരുത്തിയ വർധനവിന് പിന്നാലെയാണിത്. ഇതോടെ ഥാറിന്റെ വിവിധ മോഡലുകളുടെ എക്‌സ്‌ഷോറൂം വില 10.32 ലക്ഷം രൂപ മുതൽ 17.99 ലക്ഷം രൂപ വരെയായി ഉയർന്നു.

വില വർധനവിന് പിന്നിൽ

അസംസ്‌കൃത വസ്തുക്കളുടെ വിലക്കയറ്റവും വാഹന നിർമ്മാണത്തിന് ആവശ്യമായ മറ്റ് ഘടകങ്ങളുടെ ചെലവ് വർധിച്ചതുമാണ് ഈ തീരുമാനത്തിന് പിന്നിലെന്നാണ് മഹീന്ദ്ര വിശദീകരിക്കുന്നത്. മുൻപ് ചില മോഡലുകൾക്ക് മാത്രമാണ് വില കൂട്ടിയിരുന്നതെങ്കിൽ, ഇത്തവണ ഥാറിന്റെ എല്ലാ വേരിയന്റുകൾക്കും വില വർധിപ്പിച്ചിട്ടുണ്ട്. എഞ്ചിൻ, ഗിയർബോക്‌സ്, ടു വീൽ ഡ്രൈവ് (2WD), ഫോർ വീൽ ഡ്രൈവ് (4WD) ഓപ്ഷനുകൾക്ക് അനുസരിച്ചാണ് വിലയിലെ വ്യത്യാസം.

വകഭേദങ്ങളും കൂടിയ തുകയും ഒറ്റനോട്ടത്തിൽ:

വെറും ഏഴ് മാസത്തിനിടെ മൂന്ന് തവണ!

ഈ വർഷം ജനുവരിയിൽ ഥാറിന്റെ വില 20,000 രൂപ വരെ കമ്പനി വർധിപ്പിച്ചിരുന്നു. തുടർന്ന് തൊട്ടടുത്ത ഏപ്രിലിൽ ചില വകഭേദങ്ങൾക്ക് 43,000 രൂപ വരെ വീണ്ടും കൂട്ടി. ഇപ്പോൾ ജൂലൈയിൽ മൂന്നാമതും വില കൂട്ടിയതോടെ ഥാർ പ്രേമികളുടെ പോക്കറ്റ് ചോരുമെന്നുറപ്പാണ്.

അതുകൊണ്ടുതന്നെ അടുത്ത ദിവസങ്ങളിൽ മഹീന്ദ്ര ഥാർ ബുക്ക് ചെയ്യാൻ പ്ലാൻ ചെയ്യുന്നവർ, മുൻപ് ലഭിച്ച വിലവിവരങ്ങൾ കണക്കിലെടുക്കാതെ തൊട്ടടുത്ത ഡീലർഷിപ്പുമായി ബന്ധപ്പെട്ട് പുതിയ ഓൺ-റോഡ് വില ഉറപ്പുവരുത്തുന്നത് നന്നായിരിക്കും.