‘പോക്കിരിരാജ’യ്ക്ക് ശേഷം പൃഥ്വിരാജിനെ നായകനാക്കി വൈശാഖ് സംവിധാനം ചെയ്യുന്ന ബിഗ് ബജറ്റ് ചിത്രം ‘ഖലീഫ’യുടെ മുഴുവൻ ഗാനങ്ങളും പുറത്തിറങ്ങി. ജേക്സ് ബിജോയ് സംഗീത സംവിധാനം നിർവ്വഹിച്ച ചിത്രത്തിൽ ആകെ ഏഴ് ഗാനങ്ങളാണുള്ളത്. മുൻപ് പുറത്തുവന്ന ഗാനങ്ങൾ ഇതിനോടകം തന്നെ ഹിറ്റ് ചാർട്ടുകളിൽ ഇടംനേടിയിരുന്നു.
ദുബായിൽ ചിത്രീകരണം പൂർത്തിയാക്കിയ ചിത്രം രണ്ട് ഭാഗങ്ങളായാണ് തിയേറ്ററുകളിൽ എത്തുന്നത്. ‘മാമ്പറയ്ക്കൽ ആമിർ അലി’യായി പൃഥ്വിരാജ് വേഷമിടുമ്പോൾ, ‘മാമ്പറയ്ക്കൽ അഹമ്മദ് അലി’ എന്ന കഥാപാത്രമായി മലയാളത്തിന്റെ ഇതിഹാസ താരം മോഹൻലാൽ അതിഥി വേഷത്തിൽ എത്തുന്നു എന്ന പ്രത്യേകതയും ചിത്രത്തിനുണ്ട്. മാളവിക ശർമ്മയാണ് നായിക. മാളവികയുടെ അരങ്ങേറ്റ മലയാള ചിത്രം കൂടിയാണിത്.
വൻ അണിയറപ്രവർത്തകർ:
‘കടുവ’, ‘ആദം ജോൺ’ തുടങ്ങിയ ചിത്രങ്ങൾക്ക് ശേഷം ജിനു വി. എബ്രഹാം തിരക്കഥയൊരുക്കുന്ന ഈ ചിത്രം ജിനു ഇന്നോവേഷൻസിന്റെ ബാനറിൽ അദ്ദേഹം തന്നെയാണ് നിർമ്മിക്കുന്നത്. സൂരജ് കുമാർ, ശ്രീലാൽ സൂരപാണി, സിജോ സെബാസ്റ്റ്യൻ എന്നിവരാണ് സഹനിർമ്മാതാക്കൾ.
-
ഛായാഗ്രഹണം: ജോമോൻ ടി. ജോൺ
-
എഡിറ്റിംഗ്: ചമൻ ചാക്കോ
-
ആക്ഷൻ: ചേതൻ ഡിസൂസ, യാനിക് ബെൻ, ഫോണിക്സ് പ്രഭു
-
പ്രൊഡക്ഷൻ ഡിസൈൻ: മോഹൻദാസ്
-
വസ്ത്രാലങ്കാരം: മഷർ ഹംസ
-
മേക്കപ്പ്: അമൽ ചന്ദ്രൻ
-
സൗണ്ട് ഡിസൈൻ: സിങ്ക് സിനിമ
-
ഫൈനൽ മിക്സ്: എം. ആർ. രാജാകൃഷ്ണൻ
