ഫുട്ബോൾ ലോകത്തെ ഏറ്റവും സമ്പന്നനായ ക്രിസ്റ്റ്യാനോ റൊണാൾഡോയുടെ വിവാഹം വമ്പൻ സെലിബ്രിറ്റികളുടെ സാന്നിധ്യത്തിൽ ആഡംബര പൂർവ്വം നടക്കുമെന്ന് പ്രതീക്ഷിച്ച ആരാധകരെ അമ്പരപ്പിച്ച് ലളിതമായ ചടങ്ങിന്റെ രഹസ്യം വെളിപ്പെടുത്തി താരവും പങ്കാളി ജോർജിന റോഡ്രിഗസും. സ്വന്തം വീട്ടിലെ സ്വീകരണമുറിയിൽ അടുത്ത കുടുംബാംഗങ്ങളെയും വിരലിലെണ്ണാവുന്ന സുഹൃത്തുക്കളെയും മാത്രം പങ്കടുപ്പിച്ചായിരുന്നു ഇരുവരുടെയും വിവാഹം.
റൊണാൾഡോയുടെ ജേഴ്സി നമ്പറായ ഏഴിന് പ്രാധാന്യം നൽകിയുള്ള തീയതിയായിരിക്കും വിവാഹത്തിന് തിരഞ്ഞെടുക്കുക എന്ന് ആരാധകർ കരുതിയെങ്കിലും ഓഗസ്റ്റ് 11-നാണ് ഇരുവരും വിവാഹിതരായത്. 2016-ൽ മാഡ്രിഡിലെ ഒരു സ്റ്റോറിൽ വെച്ച് ഇരുവരും ആദ്യമായി കണ്ടുമുട്ടിയതിന്റെ പത്താം വാർഷിക ദിനമായിരുന്നു ഇത്. അഞ്ച് മക്കളുടെ സാന്നിധ്യത്തിന് മുൻഗണന നൽകിയാണ് ഈ ദിവസം ലളിതമായ ചടങ്ങോടെ വിവാഹം നടത്തിയത്.
കുട്ടിക്കാലത്ത് വലിയ കൊട്ടാരവും നീണ്ട വസ്ത്രവും വജ്രക്കിരീടവുമൊക്കെയായിരുന്നു തന്റെ വിവാഹ സങ്കൽപ്പമെന്നും, എന്നാൽ ജീവിതത്തിൽ ഇവയെല്ലാം ഇതിനോടകം സ്വന്തമായതോടെ വിവാഹം സ്വകാര്യമായി നടത്താൻ തീരുമാനിക്കുകയായിരുന്നുവെന്നും ജോർജിന വ്യക്തമാക്കി. ചടങ്ങ് ലളിതമായിരുന്നെങ്കിലും ജോർജിന അണിഞ്ഞ ആഭരണങ്ങളിൽ ആഡംബരത്തിന് കുറവുണ്ടായിരുന്നില്ല.
നിലവിൽ ലളിതമായി ചടങ്ങുകൾ പൂർത്തിയാക്കിയെങ്കിലും ബന്ധുക്കളെയും സുഹൃത്തുക്കളെയും പങ്കെടുപ്പിച്ച് വരും ദിവസങ്ങളിൽ വലിയൊരു വിവാഹാഘോഷം സംഘടിപ്പിക്കാൻ ഇരുവർക്കും പദ്ധതിയുണ്ട്.
Cristiano Ronaldo Wedding Georgina Rodriguez Cristiano Ronaldo Ronaldo Georgina Marriage Football News Malayalam CR7 News Sports News Malayalam
