കോഴിക്കോട്: നഗരത്തിനടുത്തുള്ള വെള്ളിപ്പറമ്പിൽ മദ്യലഹരിയിൽ മകൻ അച്ഛനെ തലയ്ക്കടിച്ച് കൊലപ്പെടുത്തി. വെള്ളിപ്പറമ്പ് സ്വദേശിയായ ശശിധരൻ (64) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് മകൻ അഭിരാമിനെ (29) മെഡിക്കൽ കോളേജ് പൊലീസ് കസ്റ്റഡിയിലെടുത്തു.
ഞായറാഴ്ച അർദ്ധരാത്രി 12.45-ഓടെയായിരുന്നു നാടിനെ നടുക്കിയ സംഭവം. വീടിനകത്ത് ഇരുന്ന് മദ്യപിക്കുന്നത് ശശിധരൻ ചോദ്യം ചെയ്തതാണ് അക്രമത്തിന് കാരണം. പ്രകോപിതനായ അഭിരാം അച്ഛനെ ക്രൂരമായി മർദ്ദിക്കുകയും തുടർന്ന് മരപ്പട്ടിക ഉപയോഗിച്ച് തലയ്ക്കടിക്കുകയുമായിരുന്നു. രക്തത്തിൽ കുളിച്ച ശശിധരൻ സംഭവസ്ഥലത്തുതന്നെ മരിച്ചു.
അഭിരാം ലഹരിക്ക് അടിമയാണെന്നും വീട്ടിലും പരിസരത്തും സ്ഥിരമായി പ്രശ്നങ്ങൾ ഉണ്ടാക്കുന്നയാളാണെന്നും പൊലീസ് പറഞ്ഞു. മൃതദേഹം ഇൻക്വസ്റ്റ് നടപടികൾക്ക് ശേഷം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. പ്രതിക്കെതിരെ കൊലപാതകക്കുറ്റം ചുമത്തി കേസെടുത്തിട്ടുണ്ട്.
Kozhikode Crime News Velliparamba Crime Father Killed By Son Kozhikode Kerala Crime News Kozhikode Medical College Police Kerala News Malayalam
