തിയേറ്ററുകളിൽ മാസ്സ് തരംഗമായി പൃഥ്വിരാജ്-വൈശാഖ് ചിത്രം ‘ഖലീഫ’; രണ്ടാം ഭാഗവും പ്രഖ്യാപിച്ചു

തിയേറ്ററുകളിൽ ആവേശം വിതറി പൃഥ്വിരാജ്-വൈശാഖ് കൂട്ടുക്കെട്ടിലൊരുങ്ങിയ മാസ് ആക്ഷൻ ചിത്രം ‘ഖലീഫ’ മികച്ച പ്രതികരണങ്ങളോടെ പ്രദർശനം തുടരുന്നു. ആദ്യദിനം തന്നെ വൻ ജനപ്രീതി നേടിയ ചിത്രത്തിന്റെ രണ്ടാം ഭാഗമായ ‘ഖലീഫ: ദി ലെഗസി’യുടെ ഔദ്യോഗിക പ്രഖ്യാപനവും റിലീസ് ദിനത്തിൽ അണിയറപ്രവർത്തകർ പുറത്തുവിട്ടു.

പൃഥ്വിരാജിന്റെ മാസും പഞ്ച് ഡയലോഗുകളും വ്യത്യസ്ത ലുക്കും ചിത്രത്തിന്റെ പ്രധാന ആകർഷണമാണ്. സർപ്രൈസ് ഘടകമായി എത്തുന്ന മോഹൻലാലിന്റെ ഗസ്റ്റ് റോളും മറ്റ് സസ്പെൻസ് കഥാപാത്രങ്ങളും പ്രേക്ഷകരിൽ വലിയ ആവേശമാണ് സൃഷ്ടിച്ചിരിക്കുന്നത്.

വൈശാഖിന്റെ ട്രേഡ്മാർക്ക് മാസ്സ് പാക്കേജ് സംവിധാനത്തിനൊപ്പം ജേക്സ് ബിജോയിയുടെ പശ്ചാത്തല സംഗീതവും, ജോമോൻ ടി. ജോണിന്റെ ഛായാഗ്രഹണവും, ചമൻ ചാക്കോയുടെ എഡിറ്റിംഗും ചിത്രത്തെ വേറിട്ട ദൃശ്യാനുഭവമാക്കുന്നു. കുടുംബപ്രേക്ഷകർക്കും യുവാക്കൾക്കും ഒരുപോലെ ആസ്വദിക്കാവുന്ന രീതിയിലൊരുക്കിയ ചിത്രം ഓണം ബോക്സ് ഓഫീസിൽ വലിയ വിജയം നേടുമെന്നാണ് വിലയിരുത്തപ്പെടുന്നത്.