കൊച്ചി: പോലീസിനെ വെട്ടിച്ച് ഒളിവിലിരിക്കുമ്പോഴും സോഷ്യൽ മീഡിയയിൽ സജീവമായി അർജുൻ ആയങ്കി. പോലീസിനെയും അധികാരികളെയും വെല്ലുവിളിച്ചുകൊണ്ടുള്ള ഇൻസ്റ്റഗ്രാം സ്റ്റോറികളാണ് നിലവിൽ അർജുന്റെ അക്കൗണ്ടിൽ പ്രത്യക്ഷപ്പെട്ടിരിക്കുന്നത്. തന്നെ കള്ളക്കേസിൽ കുടുക്കിയതാണെന്നും, ഇനി മുകളിൽ ആകാശവും താഴെ ഭൂമിയും മാത്രമാണുള്ളത് എന്നുമാണ് ഈ കമന്റിന്റെ ഉള്ളടക്കം.
അതേസമയം, ഒളിവിൽ കഴിയുന്ന അർജുന്റെ ഫോണും സോഷ്യൽ മീഡിയ അക്കൗണ്ടുകളും മറ്റാരോ കൈകാര്യം ചെയ്യുന്നതാവാം എന്ന സംശയത്തിലാണ് പോലീസ് ഉള്ളത്. ഡിജിറ്റൽ തെളിവുകൾ കേന്ദ്രീകരിച്ച് പോലീസ് പരിശോധന തുടരുകയാണ്.
അർജുൻ ആയങ്കിക്കായി മൂവാറ്റുപുഴ ഡിവൈഎസ്പിയുടെ നേതൃത്വത്തിൽ പ്രത്യേക അന്വേഷണ സംഘം രൂപീകരിച്ച് തെരച്ചിൽ ശക്തമാക്കിയിട്ടുണ്ട്. അർജുന്റെ അടുത്ത സുഹൃത്തുക്കളെയും ഒളിവിൽ കഴിയാൻ സഹായം നൽകുന്നവരെയും കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.
