ഇന്ദ്രൻസിനെയും മധുബാലയെയും കേന്ദ്ര കഥാപാത്രങ്ങളാക്കി വർഷ വാസുദേവ് രചനയും സംവിധാനവും നിർവ്വഹിച്ച ‘ചിന്ന ചിന്ന ആസൈ’ ഒ.ടി.ടി സ്ട്രീമിങ് ആരംഭിച്ചു. തീയേറ്ററുകളിൽ മികച്ച പ്രേക്ഷക പ്രതികരണം നേടിയ ചിത്രം പ്രമുഖ ഒ.ടി.ടി പ്ലാറ്റ്ഫോമായ ജിയോ ഹോട്ട്സ്റ്റാറിലൂടെയാണ് (Jio Hotstar) സ്ട്രീം ചെയ്യുന്നത്.
കോഴിക്കോട്ടുകാരനായ റിട്ടയർഡ് യു.പി സ്കൂൾ അധ്യാപകൻ മാധവൻ മാഷിന്റെ വേഷത്തിലാണ് ഇന്ദ്രൻസ് ചിത്രത്തിലെത്തുന്നത്. ബനാറസ് യൂണിവേഴ്സിറ്റിയിൽ കഥക് പഠിക്കുന്ന മകളെ (അപർണ ബാലമുരളി) കാണാൻ വാരണാസിയിലേക്ക് നടത്തുന്ന ഒരു യാത്രയിൽ, മധുബാല അവതരിപ്പിക്കുന്ന ലീല എന്ന കഥാപാത്രത്തെ യാദൃശ്ചികമായി കണ്ടുമുട്ടുന്നതും തുടർന്നുണ്ടാകുന്ന സംഭവവികാസങ്ങളുമാണ് ചിത്രത്തിന്റെ ഇതിവൃത്തം.
ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസ് ആണ് ചിത്രം കേരളത്തിലെ തിയറ്ററുകളിൽ എത്തിച്ചത്. ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ‘ചിന്ന ചിന്ന ആസൈ’ നിർമ്മിച്ചിരിക്കുന്നത്.
അപർണ്ണ ബാലമുരളി, വിഷ്ണു അഗസ്ത്യ, തമ്പി രാമയ്യ, കാളി വെങ്കട്, ജാഫർ സാദിഖ്, സായ് ജനനി തുടങ്ങിയ വൻ താരനിര തന്നെ ചിത്രത്തിൽ പ്രധാന വേഷങ്ങളിൽ അണിനിരക്കുന്നുണ്ട്.
സാങ്കേതിക മികവ്:
-
ഛായാഗ്രഹണം: ഫയിസ് സിദ്ധിക്ക്
-
സംഗീതം: ഗോവിന്ദ് വസന്ത
-
എഡിറ്റിങ്: റെക്ക്സൺ ജോസഫ്
-
വസ്ത്രാലങ്കാരം: സമീറാ സനീഷ്
-
മേക്കപ്പ്: രഞ്ജിത്ത് അമ്പാടി
-
സൗണ്ട് ഡിസൈൻ: രംഗനാഥ് രവി
അൻവർ അലി, ഉമ ദേവി, വരുൺ ഗ്രോവർ, ഗജ്നൻ മിത്കേ എന്നിവർ വരികളെഴുതിയ ഗാനങ്ങൾ ചിന്മയി ശ്രീപദ, കപിൽ കപിലൻ, ശ്രുതി ശിവദാസ്, ശിഖ ജോഷി, ഗോവിന്ദ് വസന്ത, അഭിജിത് അനിൽകുമാർ എന്നിവർ ചേർന്നാണ് ആലപിച്ചിരിക്കുന്നത്.
