അവാർഡ് നിശയിൽ നടൻ ദുൽഖർ സൽമാൻ, ഭാര്യ അമാൽ സുഫിയ, നടി കല്യാണി പ്രിയദർശൻ എന്നിവർ ഒന്നിച്ചെത്തിയ വിഡിയോയെച്ചൊല്ലി സോഷ്യൽ മീഡിയയിൽ ഉയർന്ന അനാവശ്യ പ്രചാരണങ്ങൾക്ക് വായടപ്പിക്കുന്ന മറുപടിയുമായി കല്യാണി പ്രിയദർശൻ. ‘Dulquer’s wife Said Side please that’s my man’ എന്ന തെറ്റായ അടിക്കുറിപ്പോടെ 12 മില്യണിലധികം കാഴ്ചക്കാരുമായി വൈറലായ റീലിനാണ് താരം വ്യക്തത വരുത്തി രംഗത്തെത്തിയത്.
വലിയ വിജയമായ ‘ലോക: ചാപ്റ്റർ 1’ എന്ന സിനിമയുടെ ആഘോഷച്ചടങ്ങുകൾക്കിടെ പകർത്തിയ ദൃശ്യങ്ങളാണ് സോഷ്യൽ മീഡിയയിൽ തെറ്റായ രീതിയിൽ വ്യാഖ്യാനിക്കപ്പെട്ടത്. റീലിനു താഴെ കമന്റുമായി നേരിട്ടെത്തിയാണ് കല്യാണി യാഥാർത്ഥ്യം വെളിപ്പെടുത്തിയത്.
കല്യാണി പ്രിയദർശന്റെ പ്രതികരണം:
“ബ്രോ, നിങ്ങൾ എന്തിനാണ് കാര്യങ്ങളെ ഇങ്ങനെ അനാവശ്യമായി വളച്ചൊടിക്കുന്നത്! ഞാൻ അമാലിനോട് നടുവിൽ നിൽക്കാൻ പറയുകയായിരുന്നു, എന്നാൽ അവർ എന്നോട് അവിടെ നിൽക്കാൻ ആവശ്യപ്പെടുകയാണുണ്ടായത്. ഈ ഒരു ചെറിയ വിഡിയോയ്ക്കാണ് 12 മില്യൺ കാഴ്ചക്കാരുണ്ടായിരിക്കുന്നത്.”
രണ്ട് സ്ത്രീകൾ പരസ്പരം സൗഹാർദ്ദത്തോടെയും ബഹുമാനത്തോടെയും പെരുമാറിയ ഒരു സാധാരണ നിമിഷത്തെയാണ് സോഷ്യൽ മീഡിയ തെറ്റായ രീതിയിൽ ആഘോഷമാക്കിയത്. ഗോസിപ്പുകൾക്ക് യാതൊരു ഇടവും നൽകതെ, നർമത്തിൽ ചാലിച്ച് വിഷയം കൈകാര്യം ചെയ്ത താരത്തിന്റെ പക്വതയാർന്ന മറുപടിക്ക് വലിയ പിന്തുണയാണ് ആരാധകരിൽ നിന്ന് ലഭിക്കുന്നത്.
ഡോമിനിക് അരുൺ സംവിധാനം ചെയ്ത് ദുൽഖർ സൽമാന്റെ വേഫെറർ ഫിലിംസ് നിർമ്മിച്ച ഫാന്റസി സൂപ്പർഹീറോ ചിത്രം ‘ലോക: ചാപ്റ്റർ 1’ ബോക്സ് ഓഫീസിൽ ചരിത്ര വിജയം നേടിയിരുന്നു. ആഗോളതലത്തിൽ 300 കോടിയിലധികം നേടുകയും, ഒരു വനിതാ കേന്ദ്രീകൃത ഇന്ത്യൻ ചിത്രം നേടുന്ന ഏറ്റവും ഉയർന്ന കളക്ഷൻ സ്വന്തമാക്കുകയും ചെയ്ത ചിത്രത്തിലെ നായിക കൂടിയാണ് കല്യാണി.
