കോഴിക്കോട്: ബാലുശ്ശേരിയിൽ യുവതിയെയും ഏഴ് വയസ്സുള്ള മകനെയും കാണാനില്ലെന്ന് പരാതി. ബാലുശ്ശേരി സ്വദേശിയായ ഷഹല ഷെറിൻ, മകൻ മുഹമ്മദ് ഐമൻ എന്നിവരെയാണ് കാണാതായത്. സംഭവത്തിൽ ഭർത്താവിന്റെ പരാതിയിൽ ബാലുശ്ശേരി പോലീസ് കേസെടുത്ത് അന്വേഷണം ആരംഭിച്ചു.
ഈ മാസം 16-ാം തീയതി മുതലാണ് ഇരുവരെയും കാണാതായത്. അടിവാരം സ്വദേശികളായ അഷ്റഫ് – ജസ്ന ദമ്പതികളുടെ മകളാണ് ഷഹല. വസ്ത്രങ്ങളും ആഭരണങ്ങളും എടുത്ത ശേഷമാണ് യുവതി മകനെയും കൂട്ടി വീടുവിട്ടിറങ്ങിയതെന്ന് ഭർത്താവ് ജയ്സൽ പോലീസിന് നൽകിയ പരാതിയിൽ പറയുന്നു.
സംഭവത്തിൽ കാണാതായവരെ കണ്ടെത്താനായി പോലീസിന്റെ നേതൃത്വത്തിൽ ഊർജ്ജിതമായ അന്വേഷണം നടന്നുവരികയാണ്.
