ഓണത്തിരക്ക്: ബെംഗളൂരുവിൽനിന്ന് കേരളത്തിലേക്ക് കൂടുതൽ സ്പെഷ്യൽ ട്രെയിനുകൾ! സമയക്രമം അറിയാം

തിരുവനന്തപുരം: ഓണാഘോഷത്തോടനുബന്ധിച്ചുള്ള യാത്രാത്തിരക്ക് പരിഗണിച്ച് ബെംഗളൂരുവിൽനിന്ന് കേരളത്തിലേക്ക് കൂടുതൽ എക്സ്പ്രസ് സ്പെഷ്യൽ ട്രെയിനുകൾ പ്രഖ്യാപിച്ച് ദക്ഷിണ റെയിൽവേ. ബെംഗളൂരു കൻ്റോൺമെൻ്റ്, എസ്എംവിടി ബെംഗളൂരു, യശ്വന്ത്പൂർ എന്നീ സ്റ്റേഷനുകളിൽനിന്ന് തിരുവനന്തപുരം നോർത്തിലേക്കും (കൊച്ചുവേളി) തിരിച്ചുമാണ് പുതിയ സർവീസുകൾ നടത്തുന്നത്. മൂന്നു ട്രെയിനുകളും കോട്ടയം വഴിയാണ് സർവീസ് നടത്തുക.

പ്രഖ്യാപിച്ച ട്രെയിനുകളും സമയക്രമവും:

1. ബെംഗളൂരു കൻ്റോൺമെൻ്റ് – തിരുവനന്തപുരം നോർത്ത് (06579/06580)

• പുറപ്പെടുന്നത്: ഓഗസ്റ്റ് 28 വൈകുന്നേരം 4:40-ന് ബെംഗളൂരു കൻ്റോൺമെൻ്റിൽനിന്ന് (29-ന് രാവിലെ 10:30-ന് തിരുവനന്തപുരം നോർത്തിലെത്തും).

• മടക്ക സർവീസ്: ഓഗസ്റ്റ് 29 ഉച്ചയ്ക്ക് 12:40-ന് തിരുവനന്തപുരം നോർത്തിൽനിന്ന് (30-ന് പുലർച്ചെ 5:15-ന് ബെംഗളൂരു കൻ്റോൺമെൻ്റിലെത്തും).

• പ്രധാന സ്റ്റോപ്പുകൾ: കെആർ പുരം, ബംഗരപേട്ട്, കുപ്പം, സേലം, ഈറോഡ്, തിരുപ്പൂർ, പോഡാനൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കരുനാഗപ്പള്ളി, ശാസ്താംകോട്ട, കൊല്ലം, വർക്കല.

2. എസ്എംവിടി ബെംഗളൂരു – തിരുവനന്തപുരം നോർത്ത് (06575/06576)

• പുറപ്പെടുന്നത്: ഓഗസ്റ്റ് 22 വൈകുന്നേരം 4:40-ന് എസ്എംവിടി ബെംഗളൂരുവിൽനിന്ന് (23-ന് രാവിലെ 10:00-ന് തിരുവനന്തപുരം നോർത്തിലെത്തും).

• മടക്ക സർവീസ്: ഓഗസ്റ്റ് 23 ഉച്ചയ്ക്ക് 12:40-ന് തിരുവനന്തപുരം നോർത്തിൽനിന്ന് (24-ന് പുലർച്ചെ 5:15-ന് ബെംഗളൂരു കൻ്റോൺമെൻ്റിലെത്തും).

• പ്രധാന സ്റ്റോപ്പുകൾ: ബെംഗളൂരു കൻ്റോൺമെൻ്റ്, കെആർ പുരം, ബംഗരപേട്ട്, കുപ്പം, സേലം, ഈറോഡ്, തിരുപ്പൂർ, പോഡാനൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട, കൊല്ലം, വർക്കല.

3. യശ്വന്ത്പൂർ – തിരുവനന്തപുരം നോർത്ത് (06573/06574)

• പുറപ്പെടുന്നത്: ഓഗസ്റ്റ് 21 രാത്രി 8:45-ന് യശ്വന്ത്പൂരിൽനിന്ന് (22-ന് ഉച്ചയ്ക്ക് 1:30-ന് തിരുവനന്തപുരം നോർത്തിലെത്തും).

• മടക്ക സർവീസ്: ഓഗസ്റ്റ് 22 ഉച്ചകഴിഞ്ഞ് 3:15-ന് തിരുവനന്തപുരം നോർത്തിൽനിന്ന് (23-ന് രാവിലെ 9:45-ന് യശ്വന്ത്പൂരിലെത്തും).

• പ്രധാന സ്റ്റോപ്പുകൾ: ഹൊസൂർ, ധർമപുരി, സേലം, ഈറോഡ്, തിരുപ്പൂർ, പോഡാനൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട, കൊല്ലം, വർക്കല.

ഈ ട്രെയിനുകളിലേക്കുള്ള റിസർവേഷൻ ഓഗസ്റ്റ് 21 രാവിലെ 8 മണി മുതൽ ആരംഭിച്ചിട്ടുണ്ട്. ഐആർസിടിസി (IRCTC) വെബ്‌സൈറ്റ് വഴിയും റെയിൽവേ റിസർവേഷൻ കൗണ്ടറുകൾ വഴിയും ടിക്കറ്റുകൾ ബുക്ക് ചെയ്യാവുന്നതാണ്.