തിരുവനന്തപുരം: നബാർഡിന്റെ (NABARD) പൂർണ ഉടമസ്ഥതയിലുള്ള അനുബന്ധ സ്ഥാപനമായ നബാർഡ് കൺസൾട്ടൻസി സർവീസസ് (NABCONS) വിവിധ തസ്തികകളിലേക്ക് അപേക്ഷ ക്ഷണിച്ചു. നാബ്കോൺസ് കേരളത്തിൽ കുടുംബശ്രീ വഴി നടപ്പാക്കുന്ന ‘ദീൻ ദയാൽ ഉപാധ്യായ ഗ്രാമീൺ കൗശൽ യോജന’ (DDU-GKY) പദ്ധതിയിലേക്കാണ് നിയമനം. താൽക്കാലിക അടിസ്ഥാനത്തിൽ ആകെ 7 ഒഴിവുകളാണുള്ളത്. മാസ്റ്റർ ബിരുദമോ എം.ബി.എയോ ഉള്ള ഉദ്യോഗാർത്ഥികൾക്ക് ജൂലൈ 12 വരെ ഓൺലൈനായി അപേക്ഷിക്കാം.
ഒഴിവുകളുടെ വിവരങ്ങൾ:
-
ഡിസ്ട്രിക്ട് മാനേജർ (കൊല്ലം & പത്തനംതിട്ട): 1 ഒഴിവ്
-
മാനrecordേജർ (കോൾ സെന്റർ & കരിയർ കൗൺസിലിംഗ് യൂണിറ്റ്): 1 ഒഴിവ്
-
കരിയർ കൗൺസിലർ: 4 ഒഴിവുകൾ
-
സപ്പോർട്ട് എക്സിക്യൂട്ടീവ് (പ്ലേസ്മെന്റ്): 1 ഒഴിവ്
ആവശ്യമായ യോഗ്യതകൾ:
-
വിദ്യാഭ്യാസം: എല്ലാ തസ്തികകളിലേക്കും എം.ബി.എ (MBA), എം.എസ്.ഡബ്ല്യു (MSW) അല്ലെങ്കിൽ ഏതെങ്കിലും വിഷയത്തിലുള്ള മാസ്റ്റർ ബിരുദം നിർബന്ധമാണ്.
-
പ്രവൃത്തിപരിചയം: ഡിസ്ട്രിക്ട് മാനേജർ, കോൾ സെന്റർ മാനേജർ തസ്തികകളിലേക്ക് കുറഞ്ഞത് 3 വർഷത്തെ പ്രവൃത്തിപരിചയം വേണം. വിദ്യാഭ്യാസം, ഉപജീവന വികസനം (Livelihoods), നൈപുണ്യ വികസനം (Skill Development) എന്നീ മേഖലകളിൽ പരിചയമുള്ളവർക്ക് മുൻഗണന ലഭിക്കും.
-
സപ്പോർട്ട് എക്സിക്യൂട്ടീവ്: പ്രോജക്ട് അടിസ്ഥാനത്തിലുള്ള സ്ഥാപനങ്ങളിലോ സ്കിൽ ഡെവലപ്മെന്റ് പദ്ധതികളിലോ കുറഞ്ഞത് 3 വർഷത്തെ പ്രവൃത്തിപരിചയം ഉണ്ടായിരിക്കണം.
-
അധിക യോഗ്യത: എല്ലാ അപേക്ഷകർക്കും എം.എസ് ഓഫീസ് (MS Office) ഉപയോഗിക്കുന്നതിൽ നല്ല പരിജ്ഞാനവും മലയാളം, ഇംഗ്ലീഷ് ഭാഷകളിൽ മികച്ച ആശയവിനിമയ ശേഷിയും ഉണ്ടായിരിക്കണം.
തിരഞ്ഞെടുപ്പ് രീതി:
ഓൺലൈൻ വഴി ലഭിക്കുന്ന അപേക്ഷകൾ പരിശോധിച്ച് ഷോർട്ട്ലിസ്റ്റ് ചെയ്യപ്പെടുന്ന ഉദ്യോഗാർത്ഥികളെ അഭിമുഖത്തിന് (Interview) വിളിക്കും. അഭിമുഖത്തിലെ പ്രകടനത്തിന്റെ അടിസ്ഥാനത്തിലായിരിക്കും അന്തിമ തിരഞ്ഞെടുപ്പ്. നിയമനത്തിന് മുന്നോടിയായി രേഖകളുടെ പരിശോധനയും മെഡിക്കൽ ഫിറ്റ്നസ് പരിശോധനയും ഉണ്ടായിരിക്കും.
തിരഞ്ഞെടുക്കപ്പെടുന്നവരുടെയും വെയിറ്റിങ് ലിസ്റ്റിലുള്ളവരുടെയും പട്ടിക നടപടികൾ പൂർത്തിയായ ശേഷം ഔദ്യോഗിക വെബ്സൈറ്റിൽ പ്രസിദ്ധീകരിക്കും.
