തിരുവനന്തപുരം: ഓണാഘോഷത്തിന് മുന്നോടിയായി പൊതുവിപണിയിലെ വിലക്കയറ്റം പിടിച്ചുനിർത്താൻ ശക്തമായ വിപണി ഇടപെടലുമായി സപ്ലൈകോ. ഉപഭോക്താക്കൾക്കായി അത്തം, ഉത്രാടം, തിരുവോണം എന്നിങ്ങനെ മൂന്ന് പ്രത്യേക ഓണം കിറ്റുകളാണ് സപ്ലൈകോ വിപണിയിലിറക്കുന്നത്.
ആവശ്യസാധനങ്ങൾ അടങ്ങിയ കിറ്റുകൾ ആകർഷകമായ ഇളവുകളോടെയാണ് ലഭ്യമാക്കുന്നത്.
അത്തം കിറ്റ്: 1,280 രൂപ വിലവരുന്ന അരി, പഞ്ചസാര, വെളിച്ചെണ്ണ, പായസം മിക്സ് അടക്കമുള്ള ഉൽപ്പന്നങ്ങൾ 1,000 രൂപയ്ക്ക് ലഭിക്കും.
ഉത്രാടം കിറ്റ്: 1,880 രൂപയുടെ സാധനങ്ങൾ 1,500 രൂപയ്ക്ക് സ്വന്തമാക്കാം.
തിരുവോണം കിറ്റ്: 2,540 രൂപ മൂല്യമുള്ള വിപുലമായ കിറ്റ് 2,000 രൂപയ്ക്കാണ് സപ്ലൈകോ നൽകുന്നത്.
പലചരക്ക് സാധനങ്ങൾക്കും മറ്റ് അവശ്യവസ്തുക്കൾക്കും വിപണിയിൽ വില ഉയരുന്ന സാഹചര്യത്തിലാണ് സാധാരണക്കാർക്ക് ആശ്വാസമേകാൻ സപ്ലൈകോയുടെ ഈ നീക്കം. മുൻവർഷങ്ങളിലേതുപോലെ ഇത്തവണയും സപ്ലൈകോയുടെ നേതൃത്വത്തിൽ വിപുലമായ ഓണച്ചന്തകളും സജ്ജമാക്കും.
