ഭക്ഷണത്തിന് മണവും ഗുണവും കൂടാൻ ഏലയ്ക്ക പൊടിച്ചും ചതച്ചുമൊക്കെ ചേർക്കുന്ന ശീലം നമ്മൾക്കുണ്ട്. എന്നാൽ ചർമം തിളങ്ങാനും ഏലയ്ക്ക മികച്ചതാണെന്ന് അറിയാമോ? ആന്റിഓക്സിഡന്റുകളും പോഷകങ്ങളും ധാരാളമായി അടങ്ങിയിട്ടുള്ള ഏലയ്ക്ക, ചർമ്മത്തിന്റെ ആരോഗ്യം വീണ്ടെടുക്കാനും സ്വാഭാവിക ഭംഗി നിലനിർത്താനും ഏറെ സഹായിക്കും.
ഏലയ്ക്ക വെള്ളം കുടിച്ചാലുള്ള ബ്യൂട്ടി ടിപ്സ്:
-
യൗവനം നിലനിർത്തുന്നു: ദിവസവും ഏലയ്ക്ക വെള്ളം കുടിക്കുന്നത് ചർമത്തിന്റെ ആരോഗ്യം മെച്ചപ്പെടുത്താനും വാർദ്ധക്യലക്ഷണങ്ങൾ (Anti-aging) കുറയ്ക്കാനും സഹായിക്കുന്നു.
-
വിഷാംശങ്ങളെ പുറന്തള്ളുന്നു: ഏലയ്ക്കയിലെ ഡൈയൂററ്റിക് (Diuretic) ഗുണങ്ങൾ ശരീരത്തിലെ വിഷാംശങ്ങളെ (Toxins) വേഗത്തിൽ പുറന്തള്ളാൻ സഹായിക്കുന്നു. ഇത് ചർമ്മത്തിന് തിളക്കം നൽകും.
-
രക്തയോട്ടം വർദ്ധിപ്പിക്കുന്നു: ശരീരത്തിലെ രക്തയോട്ടം കൂട്ടാൻ ഏലയ്ക്ക വളരെ നല്ലതാണ്. ഇത് മുഖത്തെ കോശങ്ങളിലേക്ക് ആവശ്യത്തിന് പോഷകങ്ങളും ഓക്സിജനും എത്തിക്കുകയും മുഖക്കുരു പോലുള്ള പ്രശ്നങ്ങൾ കുറയ്ക്കുകയും ചെയ്യും.
ഏലയ്ക്ക വെള്ളം തയ്യാറാക്കുന്ന വിധം:
-
നാലോ അഞ്ചോ ഏലയ്ക്ക എടുത്ത് നന്നായി ചതച്ചെടുക്കുക.
-
വെള്ളം നന്നായി തിളയ്ക്കുമ്പോൾ അതിലേക്ക് ഈ ഏലയ്ക്ക ചേർക്കുക.
-
ചെറുതീയിൽ 5 മുതൽ 10 മിനിറ്റ് വരെ വീണ്ടും തിളപ്പിക്കുക.
-
ശേഷം ഈ വെള്ളം അരിച്ചെടുത്ത് തണുപ്പിച്ചോ ചെറുചൂടോടെയോ കുടിക്കാവുന്നതാണ്. കൂടുതൽ രുചിക്കും ഗുണത്തിനുമായി ഇതിലേക്ക് അര ടീസ്പൂൺ തേൻ കൂടി ചേർക്കാം.#cardomom#skincare#healthtips
