‘അച്ഛന്റെ വീട്ടിലാണ്’; പ്രചാരണങ്ങൾക്ക് ഫോട്ടോയിലൂടെ മറുപടി നൽകി മേഘ നായർ

ഭർത്താവിനെ ഉപേക്ഷിച്ച് മറ്റൊരാൾക്കൊപ്പം പോയി എന്ന തരത്തിലുള്ള സോഷ്യൽ മീഡിയ പ്രചരണങ്ങൾക്ക് മറുപടിയുമായി കണ്ടന്റ് ക്രിയേറ്റർ അഖിൽ എൻ.ആർ.ഡിയുടെ ഭാര്യ മേഘ നായർ. “ചെങ്ങന്നൂരുള്ള എന്റെ അച്ഛന്റെ വീട്ടിൽ” എന്ന അടിക്കുറിപ്പോടെ സ്വന്തം ചിത്രങ്ങൾ പങ്കുവെച്ചാണ് മേഘ രംഗത്തെത്തിയത്. ഓൺലൈൻ ഇടങ്ങളിൽ പ്രചരിക്കുന്ന വ്യാജ വാർത്തകൾക്കുള്ള മേഘയുടെ നിശബ്ദമായ മറുപടിയായാണ് ആരാധകർ ഈ പോസ്റ്റിനെ കാണുന്നത്.

അഖിലുമായുള്ള ബന്ധം വേർപെടുത്തിയോ എന്ന കാര്യത്തിൽ ഇരുവരും ഔദ്യോഗികമായി പ്രതികരിച്ചിട്ടില്ല. അതേസമയം, വിമർശനങ്ങൾക്കും വിവാദങ്ങൾക്കും ഇടയിലും പുതിയ റീൽ വീഡിയോയുമായി അഖിലും സജീവമായിട്ടുണ്ട്. ഫോട്ടോഗ്രാഫറായി വേഷമിട്ട അഖിലിന്റെ പുതിയ റീൽ ചുരുങ്ങിയ സമയം കൊണ്ടാണ് സോഷ്യൽ മീഡിയയിൽ വൈറലായത്.

യൂട്യൂബ്, ഇൻസ്റ്റാഗ്രാം റീലുകളിലൂടെ പ്രേക്ഷകശ്രദ്ധ നേടിയ അഖിലും മേഘയും 2024-ലാണ് വിവാഹിതരായത്. നർമ്മത്തിൽ ചാലിച്ച കുടുംബ നിമിഷങ്ങളും ജീവിത ശൈലികളുമായിരുന്നു ഇവരുടെ വീഡിയോകളുടെ പ്രധാന ആകർഷണം.

#MeghaNair #AkhilNRD #SocialMediaViral #KeralaNews #ReelsStar #TrendingNews #MalayalamNews