സ്കൂളുകളിലെ ഓണാഘോഷം: വിദ്യാർഥികൾക്ക് ഇഷ്ടമുള്ള വസ്ത്രങ്ങൾ ധരിച്ചെത്താം; യൂണിഫോമിൽ ഇളവ് നൽകി ഉത്തരവ്

തിരുവനന്തപുരം: സ്കൂളുകളിലെ ഓണാഘോഷത്തോടനുബന്ധിച്ച് വിദ്യാർഥികൾക്ക് ഇഷ്ടമുള്ള വസ്ത്രങ്ങൾ ധരിച്ച് സ്കൂളിലെത്താൻ അനുമതി നൽകി പൊതുവിദ്യാഭ്യാസ വകുപ്പ്. വരുന്ന ആഗസ്റ്റ് 21-ന് നടക്കുന്ന ഓണാഘോഷ ദിനത്തിലാണ് കുട്ടികൾക്ക് യൂണിഫോമിൽ ഇളവ് അനുവദിച്ചിരിക്കുന്നത്.

ഓണാഘോഷ വേളകളിൽ പരമ്പരാഗത വസ്ത്രങ്ങളോ അതത് വിദ്യാർഥികളുടെ താത്പര്യപ്രകാരമുള്ള വസ്ത്രങ്ങളോ ധരിച്ച് ആഘോഷങ്ങളുടെ ഭാഗമാകാൻ ഇതിലൂടെ സാധിക്കും. ഇത് സംബന്ധിച്ച് സ്കൂളുകൾക്ക് ആവശ്യമായ നിർദ്ദേശങ്ങൾ പുറപ്പെടുവിക്കാൻ പൊതുവിദ്യാഭ്യാസ ഡയറക്ടറെ ചുമതലപ്പെടുത്തിയിട്ടുണ്ട്.